EMRAT/Gjykata e Lartë shpall kandidatët zyrtarë për anëtarë të Këshillit të Lartë Gjyqësor

Gjykata e Lartë ka publikuar listën përfundimtare të kandidatëve që plotësojnë kushtet ligjore për t’u zgjedhur anëtarë të Këshillit të Lartë Gjyqësor (KLGJ). Lista është shpallur pas përfundimit të procedurës së verifikimit të kritereve ligjore, në kuadër të procesit të nisur nga Gjykata e Lartë më 26 qershor 2026, për zgjedhjen e tre anëtarëve të rinj të KLGJ-së: një gjyqtari nga shkalla e parë, një nga gjykatat e apelit dhe një nga Gjykata e Lartë. NJOFTIMI I PLOTE Në vijim të procedurës së shpallur nga Gjykata e Lartë më datë 26.06.2026, për zgjedhjen e 1 (një) gjyqtari nga radhët e gjyqtarëve të gjykatës së shkallës së parë, 1 (një) gjyqtari nga radhët e gjyqtarëve të apelit dhe 1 (një) gjyqtari nga radhët e gjyqtarëve të Gjykatës së Lartë, për anëtarë të Këshillit të Lartë Gjyqësor, dhe pas përfundimit të procesit të verifikimit të plotësimit të kushteve ligjore, bazuar në ligjin nr. 115/2016 “Për organet e qeverisjes së sistemit të drejtësisë”, Gjykata e Lartë shpall zyrtarisht listën përfundimtare të kandidatëve që plotësojnë kushtet ligjore për t’u zgjedhur anëtar i Këshillit të Lartë Gjyqësor, si më poshtë: Arbena Ahmeti – Gjykata e Lartë Sandër Simoni – Gjykata e Lartë Igerta Hysi – Gjykata e Posaçme e Apelit për Korrupsionin dhe Krimin e Organizuar Fatri Islamaj – Gjykata e Apelit të Juridiksionit të Përgjithshëm Tiranë Matilda Llangozi – Gjykata e Shkallës së Parë të Juridiksionit të Përgjithshëm Tiranë Brunilda Kadi – Gjykata e Shkallës së Parë të Juridiksionit të Përgjithshëm Tiranë Manjola Xhaxho – Gjykata e Shkallës së Parë të Juridiksionit të Përgjithshëm Tiranë Njëkohësisht, Kryetari i Gjykatës së Lartë, Sokol Sadushi, shpall datën e zhvillimit të Mbledhjes së Përgjithshme të Gjyqtarëve për zgjedhjen e anëtarëve të Këshillit të Lartë Gjyqësor, 25 shtator 2026, ora 10.00. The post EMRAT/Gjykata e Lartë shpall kandidatët zyrtarë për anëtarë të Këshillit të Lartë Gjyqësor appeared first on X-Media.