Rama u përgjigjet kritikave për Paketën e Maleve! Do të jetë histori suksesi, bëjmë ‘Zvicrën e vogël’

Kryeministri Edi Rama, gjatë një komunikimi në rrjetet sociale teksa udhëtonte drejt Thethit, iu përgjigj kritikave për Paketën e Maleve, duke e cilësuar atë si nismën e munguar që u jep mundësi qytetarëve të gëzojnë e të kthejnë pronën e tyre në burim mirëqenieje. Ndërsa hodhi poshtë akuzat për mashtrim duke theksuar se për të flasin vetëm puna dhe faktet, kreu i qeverisë u shpreh se zhurma e shpifjet vetëm sa mjegullojnë sytë e kritikëve, pasi kjo paketë do të jetë një mundësi reale për ta kthyer Shqipërinë në “Zvicrën e vogël”. Gazmor Skëmbi: Vetëm gënjen dhe mashtron. Edi Rama: Tamam Gazmor, edhe Gazmor edhe Shkëmb. Unë ns nuk mashtroj, as nuk gënjej, punoj për ty për familjen tendë, sepse këtë detyrë më ka dhënë shumica e shqiptarëve. Për mua flet puna, faktet, për më tepër nuk flasin sharjet. Sharjet e urrejtësve besnikë, për mua janë prova që jam duke bërë diçka që ia vlen. Keq për ty dhe ata që jetojnë duke sharë dhe përdorur fjalët me ekstreme më të ulëta, sikur janë duke ndarë buzëqeshje dhe mirësjellje. Ajo që di të them është që Paketa e Maleve është gjëja që i ka munguar njerëzve, që kanë të drejtë të gëzojnë pronën e tyre dhe ta kthejnë në burim mirëqenie. Zhurma, akuzat, shpifjet sharjet vetëm mjegullojnë sytë e atyre që merren me to. Paketa e maleve do jetë histori e madhe e shqiptarëve, për të ba Zvicrën e vogël. The post Rama u përgjigjet kritikave për Paketën e Maleve! Do të jetë histori suksesi, bëjmë ‘Zvicrën e vogël’ appeared first on X-Media.