Lorito: Hardball………

Henter mundo ta den expectativa di e desaroyonan tocante di e guera na Medio-Oriente y su eventual conclusion. Cas Blanco y Gobierno di Iran ta duna declaracionnan contradictorio. Esnan cu ta sigui e desaroyonan di acerca y esnan envolvi ta facilmente confundi. Fin di e guera ta na bista of nos ta na vispera di e catastrofe mas grandi di nos mundo moderno? Presidente Trump ta bao di presion enorme; E hala ultra derechista di partido Republicano kier pusha pa ‘termina’ e trabao y Nethanyahu kier e destruccion total di Iran y su aliadonan Hezbola y Hutis. E pueblo Mericano ta sufriendo e consecuencianan di ceramento di e Estrecho di Hormuz y kier stop e guera. E economia mundial ta na punto di cai den otro. Europa, China y Rusia ta apela na ciencia comun di e Trump y Nethanyahu. Israel ta demostra abiertamente cu e no kier paz; e kier destabilisa henter e region pa e por expande su teritorio. Trump ta admiti cu ‘hendenan masha sabi ta hungando un wega di schaken. De facto e ta admiti cu e mes ta ‘check-mate’. E ta atrapa den un trampa di Nethanyahu y . cualkier salida ta nifica cu e ta bay perde cara. Na luga di admiti derota y pidi pordon na pueblo Mericano, e kier hunga hardball mientras cu e sa cu no tin otro salida. Awor e mester acepta un acuerdo cu Iran cu ta podera e pais aki pa forma parti di e economia global y liber di e sancionnan Mericano. Di otro manera henter mundo lo sufri y miyones di hende lo muri.  The post Lorito: Hardball……… appeared first on 24ora - Prome Den Noticia.