COMPETENCIA ARTE DI PALABRA ABC 2026 A CELEBRA TALENTO Y CREATIVIDAD DEN PAPIAMENTO

    Diasabra ultimo a tuma luga cu hopi exito e Competencia Arte di Palabra ABC 2026 na Paseo Herencia Ballroom. E evento special aki, organiza door di Departamento di Cultura Aruba y Comision Arte di Palabra ABC, a reuni hobennan talentoso di Aruba, Boneiro y Corsou den un anochi dedica na creatividad, literatura y expresion artistico den nos lenga materno Papiamento.    Durante e competencia, participantenan a presenta poesia, conta storia y rap, demostrando e balor y beyesa di nos idioma y cultura den un ambiente di fraternidad interinsular. Publico presente a disfruta di presentacionnan profundo, emocional y inspirativo cu a toca diferente tema social, cultural y personal.    E ganadora absoluto di Arte di Palabra ABC 2026 a bira e hoben Destiny Bernabela di Aruba cu su obra “Un Buraco sin Fondo”.    E resultado oficialnan ta lo siguiente:    𝗖𝗮𝘁𝗲𝗴𝗼𝗿𝗶𝗮 𝗔  3er luga – Jedrionne Martis (Corsou) – “Amor”  2do luga – Sheona Merkies (Corsou) – “Hóben mi ta!”  1er luga – Zyon Bonafastia (Boneiro) – “Superá opstákulonan di bida”    𝗖𝗮𝘁𝗲𝗴𝗼𝗿𝗶𝗮 𝗕  3er luga – Nishanthalie Molina (Boneiro) – “Ei den bo rikesa ta”  2do luga – G’Shane Emperador (Corsou) – “Kadena yamá kultura”  1er luga – Zyon Bonifastia (Boneiro) – “E bos cu no ta grita”    𝗖𝗮𝘁𝗲𝗴𝗼𝗿𝗶𝗮 𝗖  5to luga – Q’Sheantely Martines (Boneiro) – “Trouma di amistat”  4to luga – Ishuarah Modest (Corsou) – “Rabia skondí di muhé”  3er luga – Shekinah Maxi Mejia (Corsou) – “Reflehonan ku no ta di mi”  2do luga – Shairon Nicolina (Corsou) – “Fula skuridat”  1er luga – Destiny Bernabela (Aruba) – “Un Buraco sin Fondo”    𝗖𝗮𝘁𝗲𝗴𝗼𝗿𝗶𝗮 𝗗  1er luga – Nedion Sluis (Corsou) – “Hulanda mi ke bai”    𝗖𝗮𝘁𝗲𝗴𝗼𝗿𝗶𝗮 𝗘  2do luga – Rebecca Delicate (Corsou) – “Maeve”  1er luga – Qshainy Beaumont (Boneiro) – “Un bashi den mi curason”    𝗖𝗮𝘁𝗲𝗴𝗼𝗿𝗶𝗮 𝗙  3er luga – Shairon Nicolina (Corsou) – “Poppy, mi amiga”  2do luga – Dazhina Mansveld (Boneiro) – “E ultimo biahe”  1er luga – Q’Sheantely Martinus (Boneiro) – “Alegria pa tristesa y tristesa pa alegria”    Durante e atardi aki Sr. Luis Rudolfo di Aruba a ricibi su premio como e ganado den e competencia di Haiku den categoría adulto, cual a participa 200 haiku di 34 participante.     Den fin di siman na Corsou nos artista internacional Jonathan Thiel miho conoci como Jeon, a ricibi e Premio Tapushi Literario pa su contribucion balioso na Papiamento, sigui sembra pa nos comunidad ABC por cosecha.     Departamento di Cultura Aruba y Comision Arte di Palabra ABC ta expresa felicitacion na tur participante, mentor, scolnan y islanan Aruba, Boneiro y Corsou pa nan dedicacion y aporte na desaroyo y preservacion di nos idioma y expresion cultural.    Un danki special na tur medio di prensa, radio, television, plataformanan digital y periodista cu a brinda nan apoyo, cobertura y promocion pa e Competencia Arte di Palabra ABC 2026. Danki na boso sosten continuo, e importancia di promove nos lenga y cultura a logra yega na comunidad ampliamente, contribuyendo asina na exito di e evento special aki.    Arte di Palabra ABC ta continua siendo un plataforma importante pa stimula hobennan den literatura, creatividad y orguyo cultural den nos islanan ABC. The post COMPETENCIA ARTE DI PALABRA ABC 2026 A CELEBRA TALENTO Y CREATIVIDAD DEN PAPIAMENTO appeared first on Aruba Native.