TRES DETENCION DEN CASO DI AGRECION NA SEROE PATRISHI Y PONTON
Oranjestad-Aruba
Diabierna mainta recherche a detene tres hende muher. E detencionnan ta enconexion cu un caso di agresion cu a sosode diaranson anochi 3 di juni 2026, na un cas na Seroe Patrishi y tambe na Ponton.
Departamento di Jeugd en Zeden Politie (JZP) a tuma e keho y den un tempo relampago por a pone man riba esnan envolvi den e caso encuestion.
E tres hende muhernan deteni ta di fam B. naci Aruba di 16 aña, fam T. naci Aruba di 17 aña y e otro hende muher tambe di fam A. di 18 aña di edad.
Cuerpo Policial Aruba ta manda un mensahe cla y raspa cu nos NO ta tolera tipo di actonan di agresion, e ta contra ley y nos lo sigui combati esakinan! Pa un miho bienestar pa nos comunidad.
Bo a wak algo, sa algo of tin informacion laga bo tip na nos TIPLIJN 11141 y nos ta garantisa 100% cu bo ta keda anonimo.
The post TRES DETENCION DEN CASO DI AGRECION NA SEROE PATRISHI Y PONTON appeared first on Aruba Native.
6/5/2026 10:25:42 AM