I vendosi thikën në fyt efektivit të Rrugores, reagon policia: 38-vjeçari tentoi t’i merrte edhe armën e shërbimit

Policia e Tiranës ka dalë me një njoftim zyrtar në lidhje me incidentin që ndodhi sot, kur një person i vendosi thikën në fyt një efektivi të policisë rrugore. Raportohet se 38-vjeçari tentoi të godiste policin me mjet prerës dhe më pas t’i merrte armën e shërbimit punonjësit të policisë, që ishte në krye të detyrës. Më datë 05.06.2026, rreth orës 08:20, në afërsi të kthesës së Kamzës, 38-vjeçari në mënyrë të menjëhershme i ka vënë në fyt, mjetin prerës (thikë) që kishte me vete, një punonjësi të Policisë që ishte në krye të detyrës, duke menaxhuar trafikun rrugor. Gjithashtu, 38-vjeçari ka tentuar t’i marrë efektivit, armën e shërbimit, por është neutralizuar dhe vënë menjëherë në pranga nga shërbimet e Policisë.     Njoftimi i policisë: Tentoi të godiste me mjet prerës dhe t’i merrte armën e shërbimit një punonjësi të Policisë Rrugore në krye të detyrës, neutralizohet dhe vihet në pranga menjeherë autori. Sekuestrohet mjeti prerës (thikë). Specialistët për Hetimin e Krimeve të Rënda ndaj Personit arrestuan në flagrancë, për veprat penale “Vrasja e punonjësve të Policisë së Shtetit”, mbetur në tentativë, dhe “Prodhimi, mbajtja, blerja apo shitja pa leje e armëve të ftohta”, shtetasin D. K., 38 vjeç. Më datë 05.06.2026, rreth orës 08:20, në afërsi të kthesës së Kamzës, 38-vjeçari në mënyrë të menjëhershme i ka vënë në fyt, mjetin prerës (thikë) që kishte me vete, një punonjësi të Policisë që ishte në krye të detyrës, duke menaxhuar trafikun rrugor. Gjithashtu, 38-vjeçari ka tentuar t’i marrë efektivit, armën e shërbimit, por është neutralizuar dhe vënë menjëherë në pranga nga shërbimet e Policisë. Materialet procedurale iu referuan Prokurorisë së Tiranës, për veprime të mëtejshme. The post I vendosi thikën në fyt efektivit të Rrugores, reagon policia: 38-vjeçari tentoi t’i merrte edhe armën e shërbimit appeared first on X-Media.