GWL Foundation cu evento di recaudacion di fondo pa yuda candidata participa den exterior

GLW Foundation organisado di e concurso oficial di Miss Teen Aruba International ya pa 18 aña ta organisando diadomingo dia 28 di juni un evento pa recauda fondo pa yuda un candidata pa asina e por representa Aruba den un certamen internacional den e lunanan venidero. E evento aki lo bira un evento cu lo bende Snack Box, Cake Box, Pan cu Ham di Pasco, Sopi di Galiña, Jhonny Cake cu Bacalao, Jhonny Cake cu Keeshi, Bolo di Glas, Saco di Kuki Lerchi. E fundraising aki lo tuma luga na Brikstraat 27 na Playa y lo ta di 10:00 am pa 2:00 pm. Y tambe lo tin delivery service di 12:00 pm pa 2:00 pm cu compra di 35 florin. GLW Foundation ta invita tur persona pa haci nan pedido delanta via Whattsapp na e number 561-61-51 pa sigur cu bo ta haya bo dushi cosnan di come. GLW Foundation kier a gradici tur esnan cu ta aporta na e Fundraising aki pa asina por yuda un candidata pa asina cubri un parti di su gasto den un concurso international. GLW Foundation tambe kier a informa cu pa aña 2026 lo NO ta organisando e competencia di Miss Teen Aruba International pero si ya caba ta trahando pa asina 2027 organisa un biaha mas e competencia cu a sa di bira e plataforma di nos hobennan ya desde 2009, como organisacion nobo e tempo ey, pero George WInterdaal ya caba desde 2007 a continua cu Miss Teen Aruba cu tabata bou encargo di Jairo Erasmus pa 2 aña, y desde e prome dia a crea e slogan “Mucho Mas Cu Un Concurso Di Beyesa “ y desde semper a traha pa crea damanan ehemplar y lidernan den nos comunidad. Y sigur tur e logronan internacional ta papia pa nan mes y nos ta contento di bisa cu candidatanan cu a pasa den e universidad ta profesionalnan den comunidad y varios di e damanan aki a sigui den e mundo di beyesa y a representa Aruba den concursonan manera Miss Universe, Miss Mundo, Miss International y Belleza Hispano Americano danki na e guia y seminarionan cu nan a ricibi di nos organisacion cu a duna nan e base fuerte. Algun di nan ta Thessaly Zimmerman, Danna Garcia, Kiara Arends, Kimberly Julsing, Karol Croes, Daniela Piazzi, Lynette do Nascimento, Ghislaine Mejia, Jeanique de Palm y asina tin hopi mas. Keda pendiente di mas detaye di Miss Teen Aruba International 2027  The post GWL Foundation cu evento di recaudacion di fondo pa yuda candidata participa den exterior appeared first on 24ora - Prome Den Noticia.