Video viral a conduci na dos detencion den caso di agresion
Diahuebs den oranan di merdia recherche a detene dos hende muhe. Esaki ta en conexion cu un caso cu a sosode diadomingo 31 di mei 2026, na unda un hende muhe a wordo agredi na un cas. Por a tuma nota tambe di un video cu a bay viral riba red nan social relaciona cu e caso di agresion.
Recherchenan di departamento di Jeugd en Zeden Politie (JZP) a tuma e keho y den forma eficaz y investigacion relampago, conhuntamente cu recherche di Oranjestad cu tambe a forma parti y den bon comunicacion y trahando hunto a pone man riba sospechosonan involucra den e caso en cuestion.
Ta trata di e hende muhenan di fam K. naci na Aruba di 21 aña y e otro hende muhe tambe di fam K. di 14 aña di edad.
Cuerpo Policial Aruba ta manda un yamada cla y raspa cu NO ta tolera tipo di actonan di agresion, e ta contra ley y nos lo sigui combati esakinan! Pa un miho bienestar pa nos comunidad.
Bo a wak algo, sa algo of tin informacion laga bo tip na nos TIPLIJN 11141 y nos ta garantisa 100% cu bo ta keda anonimo.
The post Video viral a conduci na dos detencion den caso di agresion appeared first on 24ora - Prome Den Noticia.
6/4/2026 4:19:00 PM