No tin prueba: Defensanan den caso Flamingo ta papia di un investigacion corumpi

as pa oranan largo e tres abogadonan di e acusadonan pa caso Flamingo den apelacion a trece puntonan dilanti pa contradeci ponencianan cu Ministerio Publico a uza pa hiba nan dilanti mesa berde. E resaltante tabata un documento presenta na ultimo ora door di e team di defensa di Otmar Oduber, cu ta contradeci ponencia di Ministerio Publico. A papia di un tereno otorga of kier a otorga sin cu e persona tabata cumpli cu e rekisitonan. Esta manera suficiente fondo pa construi un cas den area di Malmok. Diahuebs merdia a presente copia di e documentonan aki, entre otro e garantia di banco. Un gran parti di loke abogado Vito Carlo y su colega Demis Illes a trece dilanti, principalmente den e parti di verweer ta cu Ministerio Publico a viola reglanan den e investigacion penal Flamingo. Live: https://www.facebook.com/share/v/1LP4BDotHX/ Supuestamente ta papia cu e investigacion contra Otmar Oduber a cuminsa a base di informacion di BCI, un seccion cu ta ricibi informacion di forma secreto (for di informante), un denuncia di Marisol Tromp (forsa) y Haime Croes (Director di DIP). Pero durante e investigacion cu team di defensa a haci, a constata cu den caso di Marisol Tromp ta Landsrecherche a orden’e pa presenta pa duna un declaracion. Y di tur loke el a bisa casi nada ta aparece den e caso final di Flamingo cu a yega den corte, of ta declaracion cu nan a demostra cu el a gaña. P.e. el a bisa di no conoce of no tabatin contacto cu e supuesto trahadonan fantasma. Pero tin mensahenan di whatsapp cu ta mustra cu el a pidi nan number di telefon y a haya esaki tambe. Otro mensahenan cu nan ta busc’e pa papia cu ne pero no ta contesta y hasta mensahe cu el a sigura cu e lo sigui haci servicio di un di nan pasobra e ta un bon fotografo. Den caso di Haime Croes, segun defensa, el a declara cu ta Departamento di Recurso Humano y ex-Prome Minister Evelyn Wever-Croes a ordene bay entrega un keho sino e lo por sali perhudica despues. Informacion falso uza, cu no ta procedente di BCI via cual a dicidi di cuminsa investiga Otmar Oduber, y a uza pa tap telefon, detene y pidi pa prolonga detencion di Oduber. E ultimo aki na final Hues Comisario a nenga. A maluza y abusa di e poder pa cuminsa un caso contra Oduber, Vita Carlo a bisa. Pa relato amplio lesa TREMPAN. The post No tin prueba: Defensanan den caso Flamingo ta papia di un investigacion corumpi appeared first on 24ora - Prome Den Noticia.