Recherche y polisnan ta trahando bou di presion: Gobierno ta busca solucion

Diaranson Cuerpo di Recherche a pone nan trabou abou, ya cu pa un tempo caba e departamento ta trahando c’un falta di personal. Y ta haciendo lo maximo pa asina Riba esaki, Minister di Husticia, mr. drs. Arthur Dowers, a cuminsa na bisa cu e sa cu e recherche y polisnan ta trahando bou di hopi presion. El a bisa cu e fenomeno aki no ta nada nobo, cu Ministerio Publico ta bisa cu  gobiernonan no a pone suficiente personal. Y esaki ta haci cu nan no por tuma of traha riba denuncianan ricibi. Tabata 15 aña pasa tempo cu el a bira minister, tambe el a topa cu casonan cu a seponeer door cu no (por) a traha riba nan. y cu comunidad no por keda sin haci denuncia. Tin cierto casonan cu mester haya un prioridad mas halto, cu mester traha riba nan. Lo haci un elaboracion riba e caso, posibilidad pa resolve e caso, e peso y gravedad di e caso. Algo cu e mandatario a enfatisa cu den caso cu no a traha riba e caso, e ciudadano por bay Hof. Tur e derecho cu e ciudadano tin pa haci denuncia, ta keda valido. Berdad ta cu pa hopi aña no a pone suficiente personal den e departamento, pa cual tin menos polis disponibel pa traha riba e casonan..  E mandatario a indica cu no ta asina cu no tin hende den Cuerpo Policial cu no por traha den Cuerpo Recherche. Lo traha esaki den Cuerpo Policial pa por pone mas hende disponibel pa traha den e cuerpo y esey lo yuda na reduci e cantidad di casonan cu tin. Tin algun rechercheur cu tabata geschorst y e mandatario a interveni pa nan por reanuda nan trabou y por yuda alivia e peso di trabou. Segun e mandatario, semper tabata responsabilidad di gobierno pa zorg pa e presupuesto pa e departamento en cuestion. Ademas, e mandatario a sigui bisa, tin momento cu gobierno por dicidi cu ta bay bezuinig. No ta asina cu e bezuiniging a reduci nan cantidad di personal, ya cu e recorte tabata dirigi riba goederen en diensten. Ta bezig cu e procedura pa recluta y cuminsa un otro klas na scol di polis. Pa mas, lesa TREMPAN. The post Recherche y polisnan ta trahando bou di presion: Gobierno ta busca solucion appeared first on 24ora - Prome Den Noticia.