Ruthlyn Lindor (FUTURO): Lo debati si extende landspakket cu dos aña mas pa falta di capacidad

Den cuadro di e preparacionnan p’e conferencia di IPKO, parlamentario Ruthlyn Lindor, miembro di fraccion di FUTURO, a duna un bista structural riba e landspakket y e geschillenregeling den Reino. Lindor a recorda con e parlamentonan, durante COVID-19, a kita COHO for di mesa pa duna paso n’e onderlinge regeling di e landspakketnan. Maske e programanan aki a beneficia e paisnan, Lindor a splica cu un analisis externo ta mustra cu e paisnan Caribense no tin e capacidad structural ainda pa carga e reformanan aki riba nan mes. Como cu e financiamento y e backup tecnico for di Hulanda ta termina na final di e aña aki, e debatenan ta enfoca riba e decision si por para riba propio pia of si mester extende. Lindor a admiti cu den e tempo defini no a logra finalisa tur e tareanan. P’e motivo aki, tin un proposicion pa extende e landspakket cu dos aña mas, locual lo brinda e sosten tecnico y financiero p’e proyectonan cu ta den pipeline y cu no a logra keda cla cu nan ainda. Pa loke ta trata e geschillenregeling, e parlamentario a duna di conoce cu e discusion aki tin mas cu dies aña andando, for di 2010, y ta yegando su punto final. El a resalta cu e instrumento aki ta hopi importante pa resolve disputanan den Reino na un manera civilisa. Actualmente, e tarea ta den man di Aruba, Corsou y Sint Maarten pa caba di rond af e puntonan final pa despues sinta cu Hulanda pa regla esaki formalmente. Pa mas detaye lesa TREMPAN. The post Ruthlyn Lindor (FUTURO): Lo debati si extende landspakket cu dos aña mas pa falta di capacidad appeared first on 24ora - Prome Den Noticia.