Sue-Ellen de Freitas: Orador y panelista profesional lo comparti nan experticio durante ‘Beyond Tourism’ di KvK

Camara di Comercio y Industria (KvK) lo organisa e evento “Beyond Tourism” diasabra 27 di juni proximo den e Ballroom di St. Regis, enfocando riba e sostenibilidad di nos pilar economico di turismo. Sue-Ellen de Freitas, Head Business Information & Support, a splica cu e topico aki a surgi pa trece solucion caminda sector publico y priva por traha conhuntamente. E breakfast session aki lo cuminsa for di 9:00 am te cu 1:00 pm, cu yegada for di 8:30 am pa duna oportunidad pa netwerking. E evento no lo ta posibel sin e sosten di e patrocinador principal, Caribbean Mercantile Bank (CMB), acompaña pa ENNIA, Aruba Tourism Authority, Aruba Airport Authority, Setar NV y APFA Software Aruba. E mainta lo conta cu un grupo di orador profesional y dinamico. Toon van Veen, CEO di DIY Media Group, lo comparti sugerencia riba sostenibilidad turistico, mientras Miles Mercera, CEO di Sinex Curaçao, lo toca e perspectiva di Boneiro y Corsou, enfocando riba liderazgo, innovacion y e aspecto humano. Despues lo sigui un panel discusion interactivo modera pa Humphrey “Fito” Croes (CEO Cas Bon Group), hunto cu Vincent van Rutten (Sentoo) y Omar-Steve Lejuez (brand creator). E meta ta pa debati structuralmente riba con empresanan por inclui diversificacion dentro di e sector turistico. E ticketnan tin un balor di 120 dollar, e early birds a sold out caba y nan ta accesibel via Pay.aw of na KvK (cash of transferencia), caminda lo ricibi un QR code pa acceso. De Freitas ta invita tur empresario y profesional pa no perde e evento aki. Pa mas detaye lesa TREMPAN. The post Sue-Ellen de Freitas: Orador y panelista profesional lo comparti nan experticio durante ‘Beyond Tourism’ di KvK appeared first on 24ora - Prome Den Noticia.