Flashback di diasabra ultimo “Capes for a Cause”

  Oranjestad, Aruba – Cruz Cora Aruba ta mira bek cu hopi gratitud riba un anochi exitoso durante e evento pa recauda fondo “Capes for a Cause”, cu a tuma lugar diasabra ultimo. E evento a trece diferente hende den nos comunidad hunto , companianan local y sostenedornan cu un meta comun: contribui na bienestar di nos comunidad. Cruz Cora Aruba kier expresa su sincero agradecimiento na tur persona y empresa cu a mustra nan apoyo door di cumpra ticket y participa activamente. Danki na nan generosidad, nos lo por sigui realisa diferente proyecto pa comunidad  cu ta enfoca riba alivio di sufrimento humano y fortalece e capacidad di nos isla pa recupera di cualkier calaamidad.  Un agradecimiento special ta bai na nos sponsor principal, Romar Trading, y nos partner XPress Events, pa nan apoyo balioso y colaboracion profesional den e organisacion di e evento. Tambe nos kier gradici Ruth de Cuba y su team pa e tapas delicioso y servicio excepcional cu a contribui grandemente na e experiencia positivo di e anochi. Ademas, Cruz Cora Aruba ta reconoci reconoce y gradici tur sponsor di doorprize pa nan contribucion generoso: Amsterdam Manor, Holiday Inn, Hyatt Place Airport, Quinta del Carmen, Coco’s Restaurant, Paper Sisters, WOW Cosmetics, Royal Aruba Aloe, Flora, Papiamento Restaurant y Gianni’s. “Capes for a Cause” a demostra e poder di colaboracion y solidaridad den nos comunidad. Cruz Cora Aruba ta comprometi pa sigui traha hunto cu comunidad pa crea impacto positivo y duradero. Pa mas informacion tocante Cruz Cora Aruba of kier contribui cu un donacion of como boluntario, por fabor tuma contacto na: [email protected]   The post Flashback di diasabra ultimo “Capes for a Cause” appeared first on Aruba Native.