Marlon “Yahlion” Matthew: ICulture ta cla pa e Flip Flop Festival 2026
E fin di siman aki ta tuma luga dos dia di Flip Flop Festival. Diferente artista ta forma parti di e lineup. Un di e bandanan cu ta subi scenario ta ICulture.
Marlon “Yahlion” Matthew, cantante principal di ICulture, a conta cu e banda ta activo pa mas o menos cuater aña y ta consisti di drummer, piano, base, guitara, cuater cantante.
Nan ta subi scenario di Flip Flop dia 6 di juni. Durante cuarenticinco minuut nan tin un show cu ta uno diferente, special pa Flip Flop Festival. Nitchelles y Yahlion ta esunnan cu ta trahando riba e setup pa e anochi ey, pa haci e cos apart.
Yahlion Matthew ta invita tur fanatico di ICulture pa yega diasabra awo, 6 di juni, pa yega trempan pasobra nan ta subi scenario trempan. Nan ta cla pa presenta cancion di ‘Arubian roots.’
The post Marlon “Yahlion” Matthew: ICulture ta cla pa e Flip Flop Festival 2026 appeared first on 24ora - Prome Den Noticia.
6/3/2026 6:30:00 PM