Avion di JetBlue a baha di emergencia debi na “bird strike”
Avion di JetBlue a lanta 5:50 pm cu destinacion pa aeropuerto JFK na New York. Pero riba ruta e capitan a yama toren cu emergencia di “bird strike.” Esey a pone cu el a bira y bin bek Aruba.
Di biaha a avisa e departamentonan concerni, esta polis, brandweer y ambulance. Tambe na aeropuerto a percura pa pone tur hende na altura di loke ta pasando. Algun minuut prome cu e avion mester a baha, un American Airlines a cuminsa baha pero a hay’e ta lanta bek di biaha.
A haci esey pa asina duna espacio p’e JetBlue baha. Despues cu e pista tabata clear, a duna e oke n’e capitan di JetBlue pa aterisa. E landing a bay bon. Asina cu e avion a baha, di biaha unidad di brandweer a mobilisa pa controla cu tur cos ta bon p’asina e pasaheronan por a baha.Esaki ta di tres biaha cu avion ta regresa Aruba debi na “birdstrike.”
Live: https://www.facebook.com/share/v/1B8MUByHtJ/
The post Avion di JetBlue a baha di emergencia debi na “bird strike” appeared first on 24ora - Prome Den Noticia.
6/1/2026 5:20:12 PM